مع الشهداء ذلك أفضل جدا

أنا عارف اني سارق العنوان من علاء -يا رب يطلع بقى- بس ملقتش حاجة توصف أحسن من كدة

واحد صاحي الصبح زيك, غسل وشه زيك, راح أكل زيك, شد في الكلام مع اهله زيك, لبس هدومه زيك, عامل حسابه على حاجات يعملها و مواعيد بعيدة زيك, عنده أحلام زيك, عنده بنت بيحبها أو نفسه يتكلم معاها زيك, ضوافره طويلة و عايز يقصها زيك, ملقاش اللبس اللي كان عايز يلبسه زيك, نزل الشارع زيك, هتف ضد العسكر زيك, عنده أماني للبلد زيك, عنده وطنية و اخلاص زيك, قعد يغني اغاني الالتراس و يشتم الداخلية و المجلس زيك, قعد يغني أغاني الشيخ امام زيك, قعد يدور على بطانية عشان ينام زيك, لما بيدخل اللجنة بيطلع البطاقة و يضحك زيك, كان بيستأذن من الاعاشة عشان عبوة عصير زيك.

و صحي على صفافير و تصقيف و أمن زيك, و جري للخط الولاني زيك, و هتف ضد المشير زيك, و اشتبك مع الأمن زيك, و قال للبنات ارجعوا زيك, و حاول يتفادى الغاز زيك.

المشكلة الوحيدة ان بعد كل ده انتا اللي مش زيه. 

حلو انك تبقى قاعد مع شهداء و تاكل و تشرب معاهم و تتكلم و تضحك و تهزر بس صدقني كل اللي هتحس بيه هو شرف انك عرفته, عايز تبقى زيه خليك حد زيك. 

معلومات مؤكدة

العيسوي قدم استقالته اليوم ساعة 2 ظهرا ولم تقبل و الفنجري يدير الداخلية بعد تهديد منصور العيسوي بمعاونة سامي سيدهم مساعد الوزير للأمن العام

ضباط قطاع الدراسه للأمن المركزي يعلن بالكامل عدم الخروج للمظاهرات ، وخاصة كتيبة الدعم ، والقيادات تحاول الضغط عليهم بكل الطرق

العميد علاء محمود الحرس الشخصي لصفوت الشريف يدير وزارة الأعلام بالكامل بتهديد بالشرائط الجنسية للأعلاميين والرموز السياسيين التي سجلها لهم

إعادة

النهاردة أول أكتوبر 2011 يعني بالتحديد فات على خلع مبارك 7 شهور و 20 يوم. 

نرجع بالزمن قيمة 60 سنة كدة و نفتكر الانقلاب العسكري سنة 1952. بان الانقلاب انه بداية عصر من التفتح على العالم و النهضة و وقف الفساد اللي كان أيام الملك, لكن بالفعل أدى ذلك ل-60 سنة من أسوء ما شهده التاريخ المصري من تفشدي للفساد و قمع للحريات.

أنا بالصلاة على النبي همسك شوية أحداث حصلت و نعمل مقارنة باللي بيحصل دلوقتي.

التاريخ على مدى ال-60 عام الماضية تم تجميعه و ضغطه في شريط و يتم إعادة تشغيله على مدار البضع شهور الماضية. هبدأ بعبد الناصر و قد ايه ان الناس كانت مبسوطة بيه و انه عمل "هيبة" لمصر في الوطن العربي.. ده يساوي عندنا من 11 فبراير ل-9 مارس. بعد كدة جات النكسة و عبد الناصر جاب ورا. ده عندنا من 9 مارس ل-28يونيو في الحالتين الشعب فضل يحب اللي بيعمل البلاوي.

ندخل بقى في السادات.. السادات مكنتش الناس مرحبة بيه في الأول بعد كدة بدأ يعمل حاجات تبسط الناس زي ما عندنا ورولنا مبارك في القفص و الرغي الفاضي ده. وده يا اولاد زي ما السادات دخل الحرب و طلع بطل في مصر و عرة عند بعض العرب.

ابن المخلوعة بقى استمر على نهج السادات في الطبطبة على الصهاينة, المقابل له كان الموقف الهزيل من المجلس العسكري تجاه معبر رفح و تجاه الضباط اللي اتقتلوا على الحدود. مبارك برضو عى نهج السادات لعب جامد بقانون الطوارئ, طبعا مش محتاج أقول حاجة على ديه. 

الحمد لله كانت نهاية مبارك زي الهباب و مرمي في المزرعة دلوقتي. في حاجات طبعا المجلس عملها لم يكن لها سابق و لم يجرء أي رئيس انه يعملها زي المحاكمات العسكرية للمدنيين و فانون تجريم الاضرابات.

أنا ليه كاتب الموضوع ده؟ لأن التسلسل ده سيؤدي لنتيجة واحدة فقط.. 25 يناير أخرى.  الموجة الثورية قامدة لا محالة. أنا متفائل, تفائلوا.

استقيوموا يرحمكم الله

النص الكامل لشهادة المشير

س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟

ج1 : الاجتماع كان برئاسة رئيس الوزراء واعتقد أننه بلغ

س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟

ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس ؟

س3: ما الذي أبداه رئيس الجمهورية في هذه اللقاءءات ؟

ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة  القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد القوات المسلحة    أعطي الرئيس الأمر لقائد القوات المسلحة اللي هي نزول القوات المسلحة لتأمين المنشآت الحيوية وهذا ما حدث

س4 : هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين بما فيها استخدام الاسلحة الخرطوش والنارية من 25 يناير حتي 28 يناير ؟

ج4 : ليس لدي معلومات عن هذا واعتقد ان هذا لم يحدث

س5 : هل ترك رئيس الجمهورية السابق للمتهمين المذكورين من أساليب لمواجهة الموقف ؟

 ج5 : ليس لدي معلومات

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟

ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟

 ج7 : ليس لدي معلومات

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟

ج8: إنا معنديش معلومات بكده.. الاحتمالات كتير لكن مفيش معلومة عندي

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟

ج9 : إنا معرفش ايه اللي حصل

س10 : هل تستطيع سيادتك تحديد هل كانت هناك عناصر أخري تدخلت ؟

 ج10 : هيا معلومات غير مؤكدة بس اعتقد ان هناك عناصر تدخلت

س11 : وما هي تلك العناصر ؟

ج11 : ممكن تكون عناصر خارجة عن القانون


س12 : هل ورد لمعلومات سيادتك ان هناك عناصر اجنبية قد تدخلت ؟

 ج12 : ليس لدي معلومات مؤكدة ولكن ده احتمال موجود


س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟

ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه


س14 : ولمن يصدر رئيس الجمهورية علي وجه العموم هذه الأوامر ؟

ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك

س15 : وهل يجب قطعا علي من تلقي أمر تنفيذه مهما كانت العواقب ؟

ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر مصيرية لازم يناقشه

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين الصادر منه شخصيا

ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا

س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟

ج17: يسأل في ذلك مساعديه الذين ابلغوه هل هو علي علم أم لا

س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟

ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات

س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟

ج19 : هذه مسئولية جهات التحقيق

س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة التظاهرات دون العرض علي رئيس الجمهورية؟

ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه ولكن التظاهر وفضه هي خطة وتدريب موجود في وزارة الداخلية




س21 : وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة وذلك من منظور ما وصل لعلم سيادتك ؟


 ج 21 : معنديش علم بذلك

س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس سيارات لدهس المتظاهرين..هل كان أمر استعمالها يصدر من حبيب العادلى ومساعديه بمفردهم ؟

ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها




 س23: هل يصدق القول تحديداً وبما لا يدع مجالاً للشك أو الريبة أن رئيس الجمهورية السابق لا يعلم شيئاً أو معلومات أيا كانت عن تعامل الشرطة يتبع بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها ؟


ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش




 س24 : هل هناك اصابات أو وفيات لضباط الجيش ؟


 ج 24 : نعم هناك شهداء




س25 : هل تعاون وزير الداخلية مع القوات المسلحة لتأمين المظاهرات ؟


ج 25 : لأ




 س26 : هل أبلغت بفقد ذخائر خاصة بالقوات المسلحة؟


 ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة




 س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟


 ج27 : هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات




 س28: هل تم القبض على عناصر أجنبية في ميدان التحرير وتم إحالتهم للنيابة العسكرية ؟


 ج28: لا ..لم يتم القاء القبض على أى أحد




س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟


ج29 : لم يحدث




 س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟


 ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب

الثورة سلمية ولاااا؟

الجدال اللي مش بيخلص.. الثورة سلمية ولا لأ؟

انا لخصت الموضوع في شوية تويتات النهاردة الصبح.

التويتات:

ممكن أبدا دلوقتي و أرمي القنبلة.. احنا فعلا ثورة سلمية. و مش عنيفة و مش هتتحول تبقى عنيفة.

الثورات نوعين، ثورات تظاهرية و ثورات مسلحة. احنا أول نوع.

المظاهرات ممكن تكون أوقات عنيفة و فيها ضرب و تترك خلفها ضحايا و لكن لا تعني عدم سلمية الثورة.

الثورة تسمى بطبع مفتعليها مش بطريقة الرد. بمعنى ان أي انقلاب عسكري حتى لو مسبش ولا ضحية يعتبر ثورة غير سلمية.

أما بقى التظاهرات فا كتير منها بعيد كل البعد عن السلمية. ديه برضو غلط فيها ان احنا نبدأ العنف، لازم يكون رد فعل و ان وجد يكون قوي جدا.

و أرجع أقول احنا مش عايزين ثورة مسلحة لأن ديه بتواجه غضب عالمي حتى لو انتا على حق و مش بتوصل لحاجة (ليبيا حالة خاصة -- هما بيدافعوا مبدأوش)

الخلاصة، ثورتنا سلمية. مظاهراتنا مش قوي. منبدأش العنف في المظاهرات و ان وجد نرد جامد. مش عايزين ثورة مسلحة. و الله الموفق و المستعان.

أنا عايز أقول ان ده رأيي الشخصي بعيدا عن أي حاجة. انا كتبت التدوينة ديه عشان الناس بتخلط و كلمة ثورة مش سلمية بتضايق الناس و بنخسر الشارع.

استقيموا يرحمكم الله 

The Loop

The shit has hit the fan and we're in summer.

These few lines summaries our problems from my point of view.

Here's the thing the situation now is complex. SCAF is doing unjustifiable actions. The "revolutionaries" are demanding what SCAF are here to do. Both parties can only win if they have one variable; THE PEOPLE.

SCAF has managed to get a large portion of the people to his side when the "revolutionaries" failed. Why? That's the million dollar question and that's EXACTLY why the loop is so cool. People were gained by:

1. The military suit effect (That they are loyal than anyone else to the country -- Not that am doubting that of course there are loyal military officers)
2. THE MEDIA. THE MEDIA. THE MEDIA.

I don't really want to talk about the first part because there is nothing to say about it. As for the second reason, this is our main problem. 

The crap we're living in ends when we have support from the people, we have support from the people when we have good/alternative media sources, we have good/alternative media sources when..?

Think about it and let me know what you think.

مسيرات يوم 9 سبتمبر #Sep9

بالصلاة على النبي أنا حاولت أجمع كل المسيرات اللي طالعة يوم 9 سبتمبر و ده اللي عرفت أوصله 

http://www.facebook.com/event.php?eid=278910015456153 مصطفى محمود 

http://www.facebook.com/event.php?eid=129073467191549 المطرية 

https://www.facebook.com/event.php?eid=161383400610536 مصر الجديدة 

https://www.facebook.com/event.php?eid=261523170536249 كلية هندسة جامعة القاهرة 

 مسيرة من مسجد ابو ليلة بالزاوية الحمراء وفى مسيرة طالعة من امام مسجد ابى بكر فى منطقة الويلى وسيلتقو فى م ح القبة

http://www.facebook.com/Mosh.Hasebk.Ya.Baldy?sk=info مسيره التحرير من المقطم المفارق_المقطم عند مسجد الرياض

http://www.facebook.com/event.php?eid=170437289698259&ref=ts  دوران شبرا - محطة روض الفرج 

مسيرة من السيدة زينب - بس مالقيتش لينك.. المصدر @AhmdAlish 

مسيرة في الأقصر - المصدر @mutubota1 من ميدان ابو الحجاج مرورا بميدان صلاح الدين وشارع المدينه المنوره ومديريه الامن ومجمع المحاكم والعوده الى مقر الحاكم العسكرى


https://www.facebook.com/event.php?eid=262497953771460 القاهرة الجديدة 

يا ريت يا جماعة محدش يطلع على الميدان على طول و إنضم لأي مسيرة.. المسيرات صداها أقوى 

بالتوفيق