تجميع التويتات من ندوة التحضير ليوم 8 يوليو بمركز هشام مبارك

. @malekadly: التدريب عبارة عن معلومات، عشان تبقى صاحب حق. #J8T
. @malekadly: احنا مش نازلين نتظاهر بلطجة، انتا بتستخدم حق من حقوقك و محدش يقدر يمنعك منه. #J8T
. @malekadly: من حق الحكومة أنها تنظم الحق مش تحظره، فا تجريم الاعتصامات ممكن يخلص في أي محكمة #J8
. @malekadly: لازم يبقى معاك تحقيق شخصية. لو شايل يافطة ده حقك و محدش يقدر ييجي على حقك. #J8T
. @malekadly: قانون الاجراءات الجنائية، القانون 24 مكرر يلزم أي شخص يفضح عن شخصيته لو سالك على إثبات شخصية #J8T
. @malekadly: لازم لو حصلك حاجة تركز في التفاصيل، الشكل، الرتبة، الوقت و المكان. #J8T
. @malekadly: محدش ليه حق يعتدي عليك بالكلام، خلي صاحبك معاك عشان يكون فيه شهود #J8T
. @malekadly: لو كنت في النيابة لازم تذكر الألفاظ حرفيا، مفيهاش كسوف. #J8T
. @malekadly: لو تعرضت لاعتداء بدني، روحوا لاقرب طبيب خاص و اطلب منه تقرير و وثقه #J8T
. @malekadly: لو إتقبض عليك؛ السكوت و الهدوء. متتكلمش مع حد متعرفهوش عشان ممكن يبقى مخبر. #J8T
. @malekadly: قانون الاجراءات الجنائية بيقول ان حقهم حجزك 24 ساعة بس. لو كان زيادة روح للمحامي بتاعك لو أتعرضت على النيابة متأخر تقول #J8T
. @malekadly: وقت القبض عليك ده من ساعة ما وقفك في الشارع. #J8T
. @malekadly: لو صادر ممتلكاتك الشخصية لازم تأخذ إيصال. #J8T
. @malekadly: الحاجات لازم تتأكدوا منها عشان ممكن يدشوا حاجات. #J8T
. @malekadly: مينفعش يحبسوك مش عاجبك و ليك الحق عشان ممكن يكون فيه مسجلين خطر #J8T
. @malekadly: مش المفروض ان عينيك تتغمى أو تم تقيذك من رجليك أو رجلك لازم تقول في النيابة. بس لازم الأول تطلب المحامي بتاعك و متقولش حاجة #J8T
. @malekadly: لما يقولك هل لديك أقوال أخرى في آخر المحرض لازم تقول كل الاعتداءات بالتفاصيل. #J8T.
. @malekadly: متمضيش على ورق مقرتهوش. دي كلها تهم تخويف، متخفش في جبهة الدفاع عن المتظاهرين. #J8T
. لو أتعرضت على النيابة قول اسم أي محامي من جبهة الدفاع. #J8T
. @malekadly: لو اتاخدت منك البطاقة، مش مشكلة هتطلع بضامن. #J8T
. و طلبت محامي متعرفش شكله و جالك اطلب إثبات شخصية. #J8T
. لازم الناس تكون هادية عشان كلنا هننزل هاديين. محدش يردد كلام من غير ما يتأكد، فزع و خلاص. #J8T
. اليوم ده هيكون فقط للثورة و نبطل المناقشات الجدلية #J8T
. محدش يتحرك بشكل فردي. متاخدش فلوس كتير. خليكوا حافظين رقم عشان الطواريء. #J8T
. @MaLek: الأكل، الاعتماد الأساسي هو السكريات. بار الحلاوة يكفيك طاقة يوم كامل. لمرضى السكر أحسن حاجة التمر. النشويات مهمة. #J8T
. @MaLek: خلي معاكوا علبة فوار بس خذوها أول ما تصحوا مش قبل النوم. المية و العصاير مهمين #J8T
. @MaLek: الحمامات، الرجالة أمرهم سهل، البنات؛ كل مجموعة تتجمع و تعرف أقرب صديق ليه بيت قريب. #J8T
. @MaLek: لازم تلبسوا حاجة مريحة في رجليك و بلاش جزمة كوتشي لو هتقعد في الاعتصام عشان العفانة. أحسن حاجة جزم باتا. #J8T
. @MaLek: مهم توافر الشرابات. #J8T
. @MaLek: أكتر منطقتين هيساعدوك على منع ضربة الشمس ورا ودانك و قفاك، بلهم. #J8T
. @MaLek: ممكن لو مجموعة كبيرة ممكن تشتري خيمة، أو معكش فلوس هاتوا أربع عمدان خشب و تغطوها بملاية #J8T
. @MaLek: الكهرباء: اي عمود نور بيكون فيه سلوك مفكوكة. ضور على الأحمر و الأزرق. تجيب كبل طخين. و هيوصل لمشترك #J8T
. @MaLek: مفيش كهرباء للساعة 5 العصر و ده وقت التوصيلات. #J8T
. @MaLek: Sleeping bags; if you couldn't get one. خلي معاك كوفرتة دايما. لو نمت أول يوم على الأرض مش هتقدر تكمل. #J8T
. @MaLek: شارك في اللجان الشاعبية أو أعمل أي حاجة عشان الناس تحس انك منهم. #J8T
. لو هتصور في ظروف خطر؛ لازم تكون لابس غامق. ميكونش في المحفظة غير البطاقة. خلي الفلوس في حتة تانية. #J8T

لو هتصور دائما سيب صف أو صفين قدامك. كدة نسبة ان حاجة تيجي عليا 30%. #J8T

. دائما أسئل ايه إلي حصل؛ عشان بعد سنة الناس مش هتكون فاكرة. لازم تأخذوا شهادات. #J8T

. متصورش متظاهر بيعمل حاجة ممكن يتعاقب عليها متصورهوش. زي بتاع بندقية الغاز إلي اتجاب من بيته. #J8T

. قرار انك تصور ده بيكون على حسب الموقف. مفيش حاجة اسمها تصريح تصوير، غير في مناطق الجيش إلي ممنوع فيها التصوير. #J8T

. الناس أكتر حد ممكن يدافع عن حقك في التصوير. #J8T

. ملخص: الثبات، لازم أجيب الطرفين، كل مشهد لازم يوصل معلومة، بحكي قصة من لقطة 5 ثواني. #J8T

. @MaLek: أهم حاجة في التعامل مع قنبلة الغاز انك متخفش منها، متجريش، أمشي مش أجري عكس اتجاه الهوا.

. @MaLek: لو عايز ترجع رجع، أهم حاجة مفيش مية تدخل جوا عنيك. البيبسي بيخلي الغاز يلزق. استخدم مية بس أبعدها عن عينك. البصل أحسن حاجة. #J8T

. @MaLek: لو سيس، أمسح وشك بديتول و بعديها زيت زيتون. بيعمل عازل. #J8T

. في حد بيقول محدش يشوط القنبلة بتخلي الغاز ينتشر أكتر. #J8T

. @Fouda_Pequeno: إلي يتعب بعد الغاز يأخذ محلول جفاف، أو يأكل موز و جوافة كتير. #J8T. 

. @MaLek: لو هتشوط القنبلة؛ لازم تكون أول أو آخر صف. عايز تبطل مفعولها حظ عليها جير. #J8T

. @MaLek: محدش يجري. دي 4 مرة يقولها. محدش يكتم نفسه، لما هتيجي تتنفس هتاخذ غاز أكتر. #J8T

. @MaLek: حل الزور زيت الزيتون. الستربسلس و البرادورال غلط. #J8T

. @MaLek: العسل الأبيض بردو فعال لو زورك وجعك #J8T

. @LeilZahra: ننتبه للزيت لو رجعنا الضرب غلط. لازم أول دش يكون مية ساقعة و منحفش في الحمى. #J8T

. @Azza_Shaaban: جربنا نطفي القنبلة بالمية. واحد بيقول الدخان بيهدا بس مش بيوقفها.#J8T

. @MaLek: أسرع حاجة تطفي القنبلة الجير أو رمل و كبوا عليها مية. #J8T

. @MaLek: لما يكون في غاز محدش يخش عمارة، يا أما هيتقبض عليك يا أما الغاز هيزيد و هيبقى غلط عليك. #J8T

. @MaLek: لو حد جه يجر شكل معاك في نقاشات، أسئله عن الحياة في الميدان أو اللجان و متفكرش انك تقنع حد، ده مش وقت نقاش سياسي. #J8T

. @MaLek: يا ريت لو في صور اشتباكات و فيها وش واحد محدش يطلعها. غير لو كان اشتباك يدوي أو الشخص ملثم. #J8T

للي مش فاهم كل ده عن ايه يشوف اللينك ده http://malek-x.net/drupal/node/701

و الله الموفق

ليه 8 يوليو؟ الجزء التاني

يا جماعة التدوينة دي هتكون طويلة شوية معلش أعذروني.

أنا بحب أتكلم بالعامية الصراحة, بتحسسني أني بتكلم وشي في وشك و سامحوني لو في حد معجبتهوش. أنا التدوينة اللي فاتت وعدت اني هطرح فكري و اللي عايز يسمع براحته و انا مرحب بأي رأي معارض.

بالصلاة على النبي أنا هبدأ انهاردة بموضوع شيق و فيه كلام كتير جدا. بسم الله الرحمن الرحيم الإجابة 9 أبريل. أنا مش هدخل في موضوع الضباط عشان شايف أنه جدلي و مش هنوصل لحاجة بيه بس أحب أسجل ان أنا مع الإفراج عنهم لأسباب مش عايز أقولها.

ايه اللي حصل يوم 9 أبريل؟ يوم 9 أبريل كان في مليونية ناجحة جدا في ميدان التحرير و طلعت يوميها 12 دور على رجلي و كلام كتير كدة, المهم اليوم كان جميل و كيوت و الشباب احتفلت كأنها حفلة لهيفاء و ده شيء أنا بكره أنه يحصل. المهم اليوم خلص و ناس كتير بيتك بيتك و في ناس نوت الاعتصام. أنت مع أو ضد الاعتصام يوميها ده مش مهم المهم اللي حصل. دخل يا معلمي بليل فرق تلت سبعات على الميدان و فضوا الاعتصام بالعنف -و ده مش حقهم- و في واحد مؤكد مات و في ناس بتقول أكتر من كدة و طبعا الضباط اتقبض عليهم.

طيب, طلع في المؤتمر الصحفي اللواء عتمان يقول ان الفرق مكانتش مسلحة... أيوة قال كدة... لأ مش بحور عليك.. أنا شخصيا شوفت فرق تلت سبعات على الحقيقة, الناس ديه مافيش جزء من جسمها مفيهوش سلاح. طب نفطرد انهم نزلوا غير مسلحين, الفيديوهات كلها  متفبركة؟ الناس كلها عايزة تعمل "وقيعة"؟ أنا شخصيا شوفت أثر الرصاص بس مااا علينا.

عندي سؤال أهم بقى, الولد الي مات ده -افتراضا طبعا ان لم يمت برصاص جيش- حد عرف مين موته؟ سؤال أهم بقى, هل أصلا اتفتح تحقيق في الي حصل؟ هو دم المصري بقى رخيص أوي كدة؟ و ده حصل في كذا حالة منها رامي فخري الي محدش يعرف ايه الي حصل معاه لحد دلوقتي و ممكن أذكر تاني9 مارس لأن لحد اللحظة الي بكتب فيها التدوينة ديه مفيش تحقيق اتفتح فيها.

طااااايب, نخش في التقيل. الـــــداخــــــلـــــيـــــــة. أنا بكره الإسم ده. مش المفروض تتسمى الداخلية. قبل ما أبدأ عايز أقول لأي حد ضابط أو في طالب كلية شرطة أو ليه قريب بنت خالة عمه في شرطة و بيقرا التدوينة ديه أحب أهديلكوا أغنية ألتراس الزمالك.

أنا ممكن أتجاب من البيت بعد الي بكتبه ده بس مش مشكلة, كله فدا الروح الثورية و أنا لا مؤاخذة زنديق. ليه مش المفروض ان يكون اسمها الداخلية؟ عشان هيا ليست معنيه بالأمور الداخلية للدولة. عشان أبسطهالكوا, الداخلية عاملة زي العيل اللي بيلم الكور من ورا الجون. بيجيب الكورة لللعيبة و خلاص. مش شوغلانته أنه ياخد الكورة و ينزل الملعب و يرقص و يجيب اجوال و يطرد اللعيبة و يلغي الماتش.

الصراحة أنا متحير أبدأ منين ولا منين و أنا حاطط في اعتباري ان الداخلية أصلا اتهرت كلام في البرامج فا مش عايز أعيد و أبقى ممل. أنا مش شايف ان في أمل لإصلاح الداخلية, مش بقول ارموا الجهاز في الزبالة, لأ انا شايف انهم لازم يشتغلوا شغلانة تتطلب عدم التعامل مع البشر من الاخر عشان هما متربين ان التعامل لازم يبقى بالجزمة. هقول نفس مثال الدستور, مينفعش ترمي فرخة بايظة و تشوف هاتطبخها ازاي. 

الي حصل يوم 28 يونيو ده كان شيء مهزلة بكل المقاييس الممكنة. فكرة ان احنا نعد نفكر و نخطط ازاي نقدر نمنع الغاز و ان اشهر نمرة في مصر بقت نمرة الراجل الي بيبيع مسكات الغاز و فكرة ان الناس محضرة نفسها على هجوم من الداخلية ده شيء غير مقبول. هو بيجرعوا بتوع الأمن ايه بيخلوهم ينسوا بسرعة كده؟ ده من 5 شهور كانوا بيسفوا التراب. ال- (مش عارف أقول عليه ايه) الي كان بيرقص بالسيف ازاي لسا عايش؟ و ازاي نازل "مكافحة" شغب بسيف؟ 

أنا زهقت من الداخلية و مش عايز اتكلم عليها عشان انا شايف ان حرام تعد تقنع واحدة تبطل المشي البطال. عندي نقطة تانية بقى أنا شخصيا بستمتع بيها. الخطاب السياسي, ليه لسا المجلس بيعاملنا على اننا مولودين انبارح و عمي و طرش و نازلين من غير طاسة مخ و معندناش أي نوع من أنواع القابلية على الفهم؟

موضوع 9 أبريل ده كل ما افتكره أضحك, عامل زي ما تعور واحد صحبك و هو بيجري و تقوم قايله انتا معندكش رجلين أصلا. 

بونبوناية القاعدة بقى.. الــمــحـــاكــــمــــــات الـــعــــــســـــكــــــريـــــــــة.. انا مع المحاكمات العسكرية. ايون.. المحاكمات العسكرية دي شيء جميل بس مش للــــمـــدنــــيــــيــــن يا بني ادمين.. تفتكروا ليه اسمهم مدنين؟ عياقة؟ واسطة؟ بياخدوا أكل أكتر؟ مبيحسوش بالحر؟ عايزين تعملوا محاكمات عسكرية قوي كدة ممكن تجربوا في مبارك و الحاشية بتاعته, بس أنا عايز لؤي و عمرو و محمد و محمود و اي واحد "مدني" زيي يكون واقف في الميدان يوم 8. انا ضد المحاكمات العسكرية للمدنيين.

أنا هختم. أنا ملحقتش أتكلم في كل حاجة عايزها لديق الوقت بس عايز أقول حاجة في الاخر. 

يوم 25 الناس نزلت عشان كان البعض عندهم حلم و الناس هرتهم تريقة بس ال-15 واحد الي بدأوا يهتفوا في جامعة الدول يوم 25 الصبح دول ناس كان عندها أمل فينا و أن احنا ممكن نفوق و نقول لأ و مش هنسكوت على الظلم. في فوق الألف واحد ماتوا عشان فكرة, فكرة ان لو حياتهم هتعمل فرق يبقى السعر مش غالي. أنا مش ناوي أبيعه أصلا. هتبيع يا عواد؟

أشوفكوا يوم 8 في الميدان الي هيكون أكبر دليل ان الناس ديه كانت صح يوم ما وثقت فينا.

-- 

نقطة صغيرة, لو انت مش عايز تنزل و ولادك عايزين يا ريت ماتمنعهمش عشان الموضوع عاملي عفاريت

ليه ٨ يوليو؟ الجزء الاول

أنا هاكتب تاني.. لأ تالت، بالعربي عشان الموضوع عجبني. 

أنا كتبت تدوينة اسمها "ليه التحرير؟" من كام يوم و شايف انها إلا حد ما كانت كويسة، فأنا هاتكلم عن حاجات متكلمتش فيها و ملفات كتير. دي أول جزء من التدوينات إلي هكتبها عن النزول. أنا السلسلة ديه عايز أوصلها لناس مش في دماغها النزول أو مش عايزة و أقولهم و اشاركهم رأيي. السلسلة ديه مش مشية بأي ترتيب هو إلي بييجي على دماغي بكتبه معلش ذاكرتي وحشة.

بالصلاة على النبي أنا عايز إعتصام و بحرض عليه؛ ليه؟ قبل ما تقولوا عليا متعصب أو عايز أبوظ البلد اقروا و قرروا في الاخر. هبدأ أتكلم عن شوية حاجات أنا شايف انها مكنتش المفروض تعدي و حصلت و هي حطتنا في الموقف ده.

يوم ١١ طلع عمر سليمان طلعته البهية و قال: "قرر الرئيس محمد حسني مبارك، تخليه عن منصب رئيس الجمهورية و كلف المجلس الاعلى للقوات المسلحة بإدارة شؤون البلاد والله الموفق و المستعان". طبعاً الناس كانت زايطة و فرحانة، أنا ساعتها كنت لسة راجع من الميدان و كسلت أنزل أروح تاني. نزلنا الميدان تاني يوم ننضف و كان في جو إحتفالي زيادة عن اللزوم و كان في موقف الولد أبو يافطة إلي حكيته قبل كدة، و ساعتها كانت أول غلطة من عندنا. 

أنا ليه كتبت نفس إلي عمر سليمان قاله؟ عشان في ناس كتير متلخبطة بين المجلس العسكري و الجيش. المجلس هيئة مستقلة تعمل عمل رئيس الجمهورية، هما اه قيادة جيش بس ده ملهوش علاقة. أي هيئة في المكان ده هيبقى ليها سيطرة على الجيش يعني لو كان جاب مجلس إدارة الزمالك كان بردو هيبقى في ايده سلطة على الجيش. و بعدين ما المخلوع كان رئيس المجلس الاعلى للقوات المسلحة و الجيش مضربش. موضوع الجيش ده أضمنه أكتر من إن جمهور الزمالك هيشتم لعيبة الأهلي.

تاني غلطة كانت إن احنا مشينا من الميدان و ده إلي بنعمله تاني دلوقتي، احنا مشينا لما إتعمينا بفكرة إن فعلاً حلمنا بحاجة و عملناها و مركزناش مع بقيت المطالب. دايماً بيبقى قدمنا حاجة مركزين عليها و مش باصين للصورة من بعيد. مصر دلوقتي في ثورة، ثورة يعني تغييرات جذرية. احنا عملين ذي إلي هدوا عمارة و عايزين يبنوا فوق الركام، لازم نشيله و نحفر و نخطط و نرسم و بعدين نبني، الناس بتقول متستعجلوش المجلس في قراراته، طب بتستعجلونا ليه في تنفيض الركام؟

و بعد كدة يا أولاد -على طريقة حكايات قبل النوم- كان في يوم ٩ مارس و الافعال اللي اقل ما يقال عنها انها ماتجيش في دماغ الشيطان نفسه. اعذروني إن كان الموضوع معصبني بس يعني إيه فوق المية واحد يتعذبوا و مش من الداخلية؛ من الشرطة العسكرية إلي هي جزء من الجيش إلي "حمى الثورة"؟ يعني إيه يتعمل للبنات كشف عذريات؟ احنا فين يا ناس؟ و ده مش الجهاز القمعي إلي افتكرنا إن احنا اسقطناه. و لما الصحفي حسام الحملاوي طالب بفتح الملف تم استدعاؤه للنيابة العسكرية. الموضوع ده حصل فيه إنتهاك حرية التظاهر و الرأي ده غير الانتهاكات الجثمانية للحالات الموثقة للتعذيب. الغريب بقى إن لا المجلس العسكري فتح تحقيق ولا احنا عملنا أي منظر لمحاولة محاسبة المتسببين. و عادي الموضوع عدا و الشعب حط صباع رجله الكبير في ودانه و سكت. 

موضوع شائك بقى و أخير في التدوينة ديه؛ أيوا شائك اكتر من اللي فات. الاستفتاء -على طول واحد كلمة "الاعتراض على إرادة الشعب" بفونت كبير بتجري ورايا في مخه- بس لع مش هاتكلم على النتيجة أنا هاتكلم إن الاستفتاء أصلاً ملهوش شرعية. يعني إيه؟ يعني مش المفروض كان يتعمل. ليه؟ عشان ماينفعش يبقى رميت فرخة بايظة و تقعد تفكر هتطبخها ازاي. تاني حاجة بقى، نقطة إرادة الشعب؛ أنا شخصياً مش مع الدستور أولاً مع اني قلت لأ في الاستفتاء بس ده مش معناه إن أي حد شايف إن الدستور أولاً يبقى بيلتف حولين إرادة الشعب، ديه اسمها ديمقراطية، هو بيطرح فكره و لو عليها إجماع من الشعب هيتعمل. أصلاً إلي "إرادة الشعب" عملت إستفتاء عليه متعملش بدليل الاعلان الدستوري إلي هو من توابع لأ. اه و معلش حد قرا في ورقة الاستفتاء كلمة "شرعية الجيش"؟ أصل سيادة اللواء شاهين طلع؛ مرتين يقول إن الاستفتاء كان على شرعية الجيش. كلمتين؛ اكياس جوافة. 

أنا شخص غير موجة بكتب ارائي في كام تدوينة يمكن حد يقتنع أو يقنعني. إستنونا الحلقة.. التدوينات إلي جية هاتكون عن ٩ ابريل، المحاكمات العسكريه، المحاكمات لرموز الفساد، الخطاب السياسي، الحريات، الشهداء، الشرطة، و الشرطة تاني، أمن الدولة، الوفاق القومي، إجتماع الائتلافات (ائتلاف شباب الثورة)، و أكيد في موضيع تانية هتيجي في دماغي.

محرض كيوت 

ليه التحرير؟

قبل ما أبدأ أنا عايز أقول إن أنا أصلاً أهلي معارضين نزولي التحرير.

بالصلاة على النبي كدة التدوينه ديه بالعامية عشان دي تاني مرة اكتب بالعربي و الاتنين في نفس اليوم.

يوم ١٢ فبراير رحنا نضفنا الميدان و هناك شفت شاب لسة بيكتب يافطة عشان لسة قاعد في الاعتصام و طبعاً كان فيه هجوم حاد عليه مني و من إلي حوالية. لو الشاب ده بيقرا التدوينة بقوله أنا أسف أنا مكنتش فاهم حاجة و انتا صح. 

الهتاف الموحد لما قبل موقعة الجمل كان "الشعب يريد إسقاط النظام" بعدها كان "الشعب يريد إسقاط الرئيس" و هنا أنا شايف إن احنا كنا غلط. حسني مكنش عمره النظام حسني كان رأسه. و ده إلي مسوحنة دلوقتي.

أنا هخليني صريح و أقول أصعب حاجة بالنسبه لينا دلوقتي مش المجلس ولا الداخلية ولا "العجلة"، أصعب حاجة هي حزب الكنبة. يوم ٢٥ إللي خلانا نبقى فعلاً "ايد واحدة" إن كان في شبه إجماع شعبي على إن في فساد و إلخ. إلي أنا مستغربه إن هي هي نفس المطالب لأن مفيش حاجة حصلت. بس أنا مقدر إن في ناس كتير حالتها وحشة و كدة كتير عليها و مش قدرة و أنا مقدرش اغلط واحد بيدور على أكل عيشه. أنا بس إلي متدايقلوا إن الناس ديه هي هي نزلت يوم ٢٥ و مفكرتش لا في كل ولا شرب ولا حياة، لأن كان عندهم هدف و غاية عن إقتناع و تجربة.

للاسف الناس معدتش بتسأل بقوا بيحكموا و خلاص. أنا هاتكلم في شوية نقاط عشان مش عايز أطول و أبقى سخيف.

الشرطة: حدث ولا حرج، ولا اقلقوا مش هحدث أكيد انتو شايفين إلي أنا بشوفه.

المحاكمات:  دي بقى هحدث، في نقطتين؛ أولاً في فرق كبير بين التأني و التباطؤ يعني الناس إلي بتقول بياخدوا وقتهم عشان يثبتوا التهمة أحب أقولهم بطلوا ترددوا كلام و خلاص، مشاء الله القضاء عندنا شغال أسرع من من المتظاهرين إلي بيجروا من الغاز في حالة محاكمة أي مدني محاكمة عسكرية و في من ده أمثلة: عمرو البحيري، طارق شلبي و أخر الضحايا لؤي نجاتي؛ و دول مش بلطجية و لأ مش أكيد عملوا حاجة غلط و لأ مش أكيد يستاهلوا.. و ده ياخدنا لي تاني نقطة، ليه المحاكمات العسكرية؟ الكلام بتاع احنا دلوقتي تحت حكم عسكري فبيطبق القانون العسكري أحب أقول إن ده رزع. حسني إلي كان أنيل كان عسكري و مكنش في محاكمات عسكرية لمدنيين، و بعدين هو الدستور ده زي شهادة البكالريوس بيتعلق علي الحيطة و خلاص؟

الفلوس: أيوا الفلوس، الناس كلها بتقول الحكومة هتجيب فلوس منين يا عيني؟ دي دايرة على كوم لحم. سؤال رفيع سوغنطوط: الامن المركزي بيتدعم ليه؟ ليه كمية الغاز ديه بيتم تزويدها للجهاز إلي ملهوش ٣ لزومات على بعض؟ ليه حسني بيتدفعله من فلوس الشعب ما يقرب من المليار جنيه شهرياً عشان ميتسجنش؟ احنا نزلنا نقشر جزر في الميدان ولا إيه؟ يا سيادة الدكتور المبجل عصام شرف الشعب أولى.  

أنا مش عايز أطول و مش عايز الناس تزهق بس أنا جوية كلام كتيييير عايز أقوله و مش عارف.

أنا عايز أنزل التحرير عشان أنا بحب أحرض الناس و عشان أنا بلطجي و عشان أنا مدفوعلي و عشان أنا عايز البلد تخرب. ناس كتير هتقول إن أنا نازل عشان كدة بس والله أبداً. أنا عايز أنزل عشان أنا مصري، عشان أنا مش شايف إن في تغيير، أنا عايز أنزل عشان المجلس العسكري -و عن تجربة- تم إثبات إنه مش بيعمل حاجة غير بضغط شعبي، أنا عايز أنزل عشان حق ٢٠٠٠٠ بيتحكموا في محاكم عسكرية، أنا عايز أنزل عشان مصر ديه جميلة و عايز أنزل عشان أنا مش عجباني الداخلية و شايف إن لازم تتنفض و تتشال و تتحط و تتنفض تاني و مش هيبقى كفاية و نبقى نشوف ساعتها هنعمل إيه، أنا عايز أنزل عشان أنا لسة عايش و ناس زي و زيك ماتوا عشان كانوا فاكرين إن ده هيصلح حاجة في البلد فأنا نازل عشان أصلح مش أبوظ.

التحرير إسم على مسمى، عايز تعرف إيه إلي بيحصل إنزل إسأل البلطجية/المحرضين/الجواسيس/المخربين/الاحرار هما هناك ليه و بطل تحط رجل على رجل و تحكم على الناس. مصر ولادة يا بشر و خيرها في أهلها مش سلطتها. 

السلام عليكم. عقبال ما أشوفكم في دولة مدنية. 

ليه أنا محرض؟

أنا محرض.

أنا بلطجي.

أنا زنديق.

أنا جاسوس.

أنا عميل.

أنا موجه.

أنا أجندة.

أنا كنتاكي.

أنا فئوي.

ديه بعض المراحل الي أنا عديت بيها في اخر خمس شهور. أنا عندي مشكلة مع الموضوع ده. أنا الي مدايقني مش المسميات, توء. أنا الي مدايقني اني مبقتش عارف أتواصل مع محمد الإنسان. 

شخصيا أنا مبسوط من القرار ده زي ما مبسوط من هجوم الداخلية, الحاجات ديه بتزقنا لقدام مش لورا ولا هتضعف مننا. نفس الكلام ده حصل أيام 25, بحب أسميه التخلف التفاعلي السياسي. الحاجات ديه هتخلي بعضا ممن ينتمون لحزب الكنبة يبدأوا يتفاعلوا معانا.

لازم نبص بتفاءل للموضوع و نشوف النتيجة الكويسة مش الوحشة. أنا "بحرضكم" على كدة.

أنا محرض و بحرضكم تتطالبوا بحريتكم.

سلام يا شوية محرضين جمدين التنين.

للي مش عارف أنا بهرتل بقول إيه  http://www.almasryalyoum.com/node/473296

Why #Blog4Syria?

Syria, What's happening there is just painful to just listen to rather than experience it, I am sorry for all my free brothers that are experiencing this unjustified brutal inhuman force of ass sticking to a meaningless chair/position.


For who doesn't know, both Syria and Egypt used to be one country, same people united under one purpose. This unity was formed back in the 22nd of Feb. 1958. the initiative was taken by both Gamal Abd El-Naser (The Egyptian president at that time) and Shokry El-Qotely (The Syrian president at that time). Abd El-Naser wanted an Arab union, the Syrian people were observing our revolution. In a nutshell the whole unity thing was a cross benefit situation. My point is some say that the split of the "United Arab Republic" "الجمهورية العربية المتحدة " resulted in the Israeli occupation of 1965 also know as "النكسة". 


This is not a history lesson. What I am aiming after telling you this story is for you to realize how close we are to the Syrian people and how negative we are towards them. We were people once and when we split up we both fell apart. 


What's happening in Syria now is somewhat a result to the UNFINISHED revolution we had called Jan25 and I personally feel responsible to help them in anyway possible and since this is the only way I personally can. 


I think the only way Syria would be free is if Damascus joins in the uprising for a more free and better Syira. If by any mean any free Syrian reads this post I am telling them I wish I was there you truly are amazing and am proud that our nations where once one. Also if any Syrian from Damascus happens to read this, PROTEST AND GO TO THE STREETS, YOU ARE RESPONSIBLE FOR THE BLOODSHED HAPPENING IN YOUR COUNTRY AND THE COUNTLESS SOULS THAT ARE BEING MURDERED BECAUSE YOU'RE TOO AFRAID TO SAY NO, THAT'S ENOUGH.  


Wake up Syria, the free world is waiting for you,


Sincerely, a brother of yours.

Why #EndSH?

SEXUAL HARASSMENT.


To every human being (because calling them guys is demeaning to males) that thinks that by HARASSING a girl in the street/class/building or even in her window, it would make him look good; think again.


Why End Sexual Harassment? 
Why does it exist in the first place? It exists because in every nation there are a large number of disturbed souls or uneducated people that thing that right is wrong and wrong is right. This misconception in Egypt has occurred due to lack of education and the absence of a good environment for these people to grow up and learn in. 


It was the past regime's fault that these sort of people existed. I personally think that this phenomenon is a disease and we should act towards it as if we're dealing with fast spreading cancer. Everyone can't see the harm in "having some fun." 


I don't sexual harassment's name is not quite accurate, or what we have in Egypt has more options that come with, because the most common type is the verbal harassment which sounds to some twisted minds as normal. The verbal harassment is much easier to fix I think. Easy solution; guys if you come by any kind of verbal harassment feel fry to curse that person every curse you know. As for girls you have the power to through/shoot him with anything you can put your hands on.


Some people are really passive about such situations, and always rises the famous sentence "و أنا مال أهلي يا عم؟". لأ ليك دعوة طبعاً، هي مين إلي ماشية في الشارع ديه؟ واحدة إسرائيليه؟ دي واحدة مصرية من نفس البلد و ممكن يطلع أخوها صاحبك ولا بعد 15 سنة تلاقيها جنبك في الكوشة. إسترجل شوية و اعمل إلي عليك.

من هنا و رايح لو شفت واحد في الشارع بيعاكس أو بيضايق أي واحدة في الشارع والله لا ألف و أرزعه صف شتايم. عشان بدل ما نعد نقول الي بيعملوا كده وحشين و هنقولهم لو سمحتم بطلوا؛ أنا بفضل أعمل كل حاجة بنفسي. أنا هقول لأ للتحرش الجنسي أو الشفهي. أما بالنسبة للاجيال الجديدة في ديه لازم احنا نوعيها إن البنات دول جنس لطشيف ماينفعش يتعاملوا كدة. 

I don't know why I suddenly turned into Arabic, and I don't care. The main thing is that I delivered my point. Plus it's really late and I can barely focus. To summarize, the problems are education, our silence and the new generation. 

Again, I will so no to kind of sexual/verbal harassment. 

Take care ladies out there, and guys; please grow some balls and help your fellow sisters.