بالصلاة على النبي كدة و احنا في ليلة ٢٧ رمضان، أنا عندي شوية أفكار و اسئلة شغلاني.. شوفوها و لو عندكوا نقد يا ريت أسمعه:
- أنا اللي أعرفه إن المفروض السلطة اللي بتمسك البلد موجودة عشان تسمع كلام الشعب. لما الشعب يبقى رافض حاجة و هي تعمله يبقى معلش متفرقش عن مبارك.
- ليه المجلس العسكري بيحاكم الثورة عسكرياً؟
- ليه اللواء الرويني مدخلش س ٢٨ و عملناله هاش تاج #FreeRweeny بعد أحداث العباسية؟
- إيه اللي حصل يوم ٩ ابريل؟
- مين هيتحسب لو حد هيتحسب على انتهاكات الشرطة العسكرية في المتحف؟
- ليه المماطلة الغريبة في اجراءت إنتخابات مجلس الشعب؟
- ليه كان في إعلان و إحتمال اعلانين دستوريين من غير إستفتاء شعبي؟
- ليه فكرة إن المحاكمات المدنية مش هتجيب حق أي حد بيتم تسويقها جامد من الاعلام؟ و ده بيؤدي إن ناس كتير بتتعاطف مع المحاكمات العسكرية.
- ليه بيتم تصنيف الناس لنوعين بس؛ اسلاميين و كفرة علمانيين؟ و مظنش إن الاسلاميين هما اللي صنفوا كدة.
- مين اللي كسبان من إن الازهر يفضل ضعيف؟
- أخر سؤال.. امتى هنكون دولة مدنية؟
No comments:
Post a Comment